Mondiai Cortina2021: Co vara pa inant?

Data

10 de fauré 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Indoman saral i dui super G, chël dles ëres y chël di ëi
La FIS á informé dl program nü dles gares, do i pröms trëi dis jüs a sbüja.
La combinada da incö di ëi é gnüda spostada a en lönesc, ai 15 de forá 2021, cun orars de partënza ciamó da tlarí.
Lapró él gnü publiché chësc program ofizial dles gares cina en lönesc:
– indoman jöbia 11 de forá: super G dles ëres dales 10:45 y super G di ëi dales 13:00
– dodoman vëndres 12 de forá: proa de discesa dles ëres y proa de discesa di ëi
– sabeda 13 de forá: discesa dles ëres, proa de discesa di ëi
– domënia 14 de forá: discesa di ëi
– lönesc 15 de forá: combinada alpina dles ëres y combinada alpina di ëi

I ladins messará aspeté cina en sabeda por odëi la sora concorënta ladina en gara: la gherdëna Nadia Delago. I atri trëi ladins tles gares a Cortina é Manfred Mölgg, Stefano Gross y Alex Vinatzer: ai sará da odëi tl slalom strënt, Manfred Mölgg forsc ince lapró tla gara de slalom lerch.  (Iaco Rigo)