La Usc di Ladins

N teoria, ie "Perserverance" ruvà bele 11 menuc dant sun Mars, ma la comunicazion sun la tiera ons giapà do chësc tëmp, pervia dla velozità dla lum che à 11 menuc da Mars nchin sun nosc planët. Śën puderà l rover, deberieda cun si drone, scumencé a nrescì. Nia mé nfurmazions, ma propi tòc dl planët jirà l rover a crì. Tl 2026 jiràn pona cun n'autra miscion a tò chisc tòc, che aron tlo sun la tiera bonamënter tl 2031.
"Perseverance" ie l prim rover che la persona à mandà sun Mars che à nce n microfonn: tosc saverons cie sonn che l ie sun l planët cueciun. L mumënt te chël che la prima persona sarà sun Mars ie for plu daujin: la ie belau dessegur bele viva y ne n'à mo deguna idea che la sarà n di ti libri de storia. Śën vàla mé plu de aspité mpue.

Bruno Maruca

Foto: NASA/Jpl-Caltech/Epa