Webinar cun l’imunologh Bernd Gänsbacher

Data

23 de fauré 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L'Intendënza ladina á invié l’imunologh Bernd Gänsbacher a tigní n webinar en mercui, ai 24 de forá, dales 15:00 ales 17:00.
Da plü co n ann incá sunse condizioná dala pandemia liada al Covid-19, che mët i Stac a livel internazional dant a desfides nöies. Ince le monn dla scora y dla cultura á messü se confronté cun chësta situaziun nöia y svilupé strategies por chirí y ciafé soluziuns a chësc problem.
Pro chësc toca ince le se informé y confronté cun porsones espertes te chësc ciamp. L’Intendënza ladina á porchël invié l’imunologh prof. dr. Bernd Gänsbacher a tigní na incuntada tres n webinar, te chël che al jará ite sön la storia y i problems liá al COVID-19. Le webinar gnará tigní  en mercui, ai 24 de forá dales 15:00 ales 17:00 online, y á sciöche destinatars direturies, personal pedagogich y insegnant dles scolines y dles scores, i referënc y les referëntes Covid, rapresentanc y rapresentantes di geniturs y de studëntes y studënc, sciöche ince geniturs interessá.
Le salüt gnará porté dal assessur ala scora y cultura ladina Daniel Alfreider y dal’intendënta Edith Ploner. Le prof. Gänsbacher fajará sciöche input n so referat y jará spo dedô ite sön le domandes dl publich.
La moderaziun é de Emanuel Gravino, colaboradú dl referat por la promoziun dla sanité tl Zënter de competënza inclujiun y consulënza. 
An podará ti ciaré al webinar sön la plata ofiziala dla Provinzia de Balsan sön les plataformes
Facebook: https://www.facebook.com/provinziadebulsan
Youtube: https://www.youtube.com/channel/UCdfrjHUgctFOSJsX0q3TOSg  (osp)