La Usc di Ladins

Vegn nominà ence i maestres de schi tel decret lege sostegnes aproà en vender ai 19 de mèrz dal Goern. N resultat emportant per duta la categorìa che da più che n an la é ceta, zenza lurier. L decret lege da 32 miliarc perveit più avisa n ‘fondo montagna’ de 700 milions de euro a fondo perdù resservà ai patrons de la strutures da mont, impianc da schi e ativitèdes turistiches, duta chela ativitèdes che se à deldut fermà endèna la sajon da d’invern passèda. I benefizies jirà ence ai maestres de schi.

L fondo é stat istituì al Minister per l’Economia e la Finanza ma l’é destinà a la Regions e a la Provinzies de Trent e de Busan. Sarà chestes dapò che spartirà fora i restores ai sogec e ai servijes al publich ti comuns che del 2019 aea abù prejenzes turistiches maores de trei outes respet al numer de residenc. 

De più su La Usc stampèda de vender ai 26 de mèrz.  (Monica Cigolla)