Le corp adult adora almanco 1,5 litri d’ega al de por trasporté dötes les sostanzes olache ares vëgn adorades. Dantadöt le ciorvel adora assá ega por na bona conzentraziun. Sce an bër assá n’él gnanca tan saurí prigo da ciafé me de ce.
Insciö desson bëre bele da doman n gote d’ega ciöbia o de tê zënza zücher. Ince te scora o söl laur desson tres se tó do n’angostara d’ega. Por ti dé plü saú pón ince mëte ite n pü’ de limone, mënta, ingver, o toc d’ordöra.
2. Ordöra y verzöra
L’ordöra y la verzöra contëgn tröpa ega, mo ince vitamines, sostanzes minerales y antiossidanc che nes straverda da maraties croniches sciöche i tumors. L’ordöra pón
View the embedded image gallery online at:
https://www.lausc.it/atualite/15275-n-bun-goste-por-mete-man-bun-le-de#sigProId965299fba5
https://www.lausc.it/atualite/15275-n-bun-goste-por-mete-man-bun-le-de#sigProId965299fba5
Important él da tó ordöra y verzöra che ne vëgn nia da dalunc adalerch y de sajun, deache chëstes contëgn plü vitamines. N’alternativa pó ince ester ordöra y verzöra sëcia, dlaciada ite o compot.
3. Graní integrai
I mius fornidus de energia é i carboidrac complesc contegnüs te produc integrai, sciöche pan integral o müsli zënza zücher o floc d’avëna, jandela, mei …. Complesc ó dí che le corp á plü di da i lauré sö, insciö resta le livel de zücher tl sanch plü di stabil, an á insciö plü di energia a desposiziun y é ince plü di pasciüs. Les fibres é n bun nudrimënt por i bogn baters tl gran barot (prebiotics) y dëida ince jí de corp.
4. Lat y produc da lat
Lat y produc da lat contëgn proteines, mo ince calzium y vitamina D che é fondamentai por i osc y por crësce. Da duc a picant pó le lat y i produc da lat gní arjigná jö sciöche an i á plü ion.
Tl iogurt él ince probiotics ("Milchsäurebakterien") che é importanc por avëi na bona digestiun y por n bun sistem imunitar.
Deplü sön le bun gosté y ince val’ rezëta por n gosté sann y rich de bunes sostanzes, ciafëise tla Plata di Jogn sön La Usc di 2 d’aurí