La Usc di Ladins

"L prum dì dl’edema é Maria da Màgdala juda da doman adora, canche al fova ciamò scur, fora dala fossa y à vedù che la pera fova touta demez dal sepolcher. Ala é sauteda debota da Scimon Piere y dal discepul, a chel che Gejù ti volova ben, y ti à dit: An à tut l Signour fora de sepolcher, y i ne savon nia, olà che an l’à metù. Dailò é Piere y l auter discepul jus via y fora y é rovés fora dal sepolcher; ai fova sautés entrami adum, ma ajache l auter discepul fova plu asvelt che Piere, é chel ruvé por prum dal sepolcher. Al s’à cufé ju y ite y à vedù les fasces de lin via per tera, ma al n’é nia ju ite. Tratant fova ence ruvé adalerch Scimon Piere, che ti gniva do, y é ju ite tl sepolcher. Al à vedù les fasces de lin via per tera y la peza dal suour che fova steda sul cef de Gejù; ara ne fova nia pro les fasces de lin, ma dlongia, lobrida adum te n post despartì. Spo é ence ju ite l auter discepul, che fova ruvé por prum dant l sepolcher; al à vedù y à cherdù. Ai ne capiva nia ciamò la Scritura, che al messova pu ressorì dai morc. Dailò spo s'en fova i discepui endò jus a ciasa." (dal Vangel de San Jan)