La Usc di Ladins

Incö, ai 12 d’aurí 2021, él n de a London che püc se desmentiará: la gran stlüta por la pandemia Covid–19 é rovada a piz, cun n gröm de ativités che deura indó y la jënt che s’la ri y fej festa dan ai pubs alaleria.
Inier domisdé á le Govern dla Gran Bretagna lascé al savëi che 32.121.353 zitadins á ciafé cina sëgn la variora cuntra le Covid–19, de chisc 7.466.540 cun trames les doses. Mesa la popolaziun é insciö gnüda vazinada almanco un n iade.
Inier él gnü registré "ma" 1.730 caji nüs de na infeziun Covid–19.
La Times á intitolé insciö la notizia dl de:
"Lockdown easing: Haircuts at dawn and queues for shops and gyms" (stlüta plü lesiera: la jënt vá dal friser da doman y fej coda dan a botëghes y palestres).

Foto: la Times porta insciö la notizia