Posć por studié medejina a Salzburg y Hamburg

Data

13 de auril 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La Provinzia da Balsan á arlungé ai 21/22 d’aurí 2021 le terminn por studëntes y studënc da fá domanda por jí a studié medejina a Salzburg o Hamburg. I posć "resservá" é indöt 35
La Provinzia da Balsan conzed indöt 35 stipendiums por i stüdi de medejina a Hamburg y Salzburg. 20 studëntes resp. studënc ciafa la poscibilité da jí a studié ala UMCH ("Universitätsmedizin Neumarkt am Mieresch") a Hamburg y 15 ala PMU ("Paracelsus Medizinische Privatuniversität") a Salzburg. Südtirol dá ca stipendiums almanco tla mosöra dla tassa universitara.
Les domandes pó gní fates cina ai 21 d’aurí por Hamburg y cina ai 22 d’aurí por Salzburg.
Incö á la Junta provinziala dé pro a na ezeziun por l’ejam de bilinguism che vá debojëgn por fá la domanda, l’atestat B2 pó gní arjunt cina de jügn 2022.
Lapró ai 35 posć tles döes unis él gnü scrit fora n post de transfer: interessades y interessá che stüdia bele medejina te na université inzai te Europa pó s’anunzié por jí inant a Hamburg.

Hamburg: Informaziuns por fá domanda
Le terminn por fá domanda da ciafé n post da studié tl semester 2021/22 ala UMCH a Hamburg é gnü arlungé ai 21 d’aurí 2021. Le curs de preparaziun por le test de amisciun é fissé por le de 24 d’aurí 2021. La proa de amisciun vëgn tignida i dis 27 y 28 d’aurí 2021.
Por informaziuns plü monüdes incër les precondiziuns por l’amisciun, le profil de candidatöra y i cosć por n post de stüde a Hamburg pó interessades/á pié do ala UMCH a Hamburg pro Katja Säcker, tel. +49 (0)40 209 348 50 73, e-mail: Katja.saecker@edu.umch.de  lian ala plata internet https://edu.umch.de/

Salzburg: Informaziuns por fá domanda
Le terminn por fá domanda por n post de stüde a Salzburg (ann de stüde 2022/23) é gnü arlungé ai 22 d’aurí 2021. La proa d’amisciun vëgn tignida ai 23, 26 o 28 d’aurí 2021, danter i dis 31 de ma y 11 de jügn 2021 saral i colloquiums por gní tutes/tuc sö. Dan la fin de jügn gnaral lascé al savëi i resultac dles proes de amisciun.
Por informaziuns plü monüdes incër les precondiziuns por l’amisciun, le profil de candidatöra y i cosć por n post de stüde a Salzburg pó interessades/á pié do al’Université: humanmedizin@pmu.ac.at lian al portal internet https://www.pmu.ac.at/

Informaziuns por i stipendiums
La conzesciun de stipendiums da pert dla Provinzia da Balsan gareta do l’amisciun ales döes universités. Informaziuns aladó ciáfon pro la Provinzia tl Ofize dl ordinamënt dla sanité (e-mail: gesundheitsordnung@provinz.bz.it, Birgit Schmid: tel. 0471 418154 y Josefine Spitaler: tel. 0471 418150) y söla plata internet dla Sanité dla Provinzia.



 (Iaco Rigo)