Ci che é anfat y ci che é atramënter. Al 1. de forá él pié ia ofizialmënter la lotaria di bons de cassa. Da dailó inant ti él rové ala Zentrala di Consumadus dl Südtirol zacotan de segnalaziuns. Les consumadësses y i consumadus ó savëi ci desfarënzia che al é danter le cashback y la lotaria.
Pro le cashback ciafon derevers scioldi sce an á paié cun mesi de paiamënt zënza scioldi contanc: i scioldi vëgn retüs sce an á fat do da sis mëisc almanco 50 de chisc paiamënc. Pro vigni paiamënt ciafon derevers alplü le 10% y dötalplü 15,00€ por operaziun. La soma mascimala por vigni semester é de 150,00€.
Pro la lotaria di bons de cassa generëia indere
View the embedded image gallery online at:
https://www.lausc.it/atualite/15405-cashback-y-lotaria-di-bons-de-cassa#sigProIddc3d64dff0
https://www.lausc.it/atualite/15405-cashback-y-lotaria-di-bons-de-cassa#sigProIddc3d64dff0
I scioldi dl cashback é scioldi sigüsc sce an ademplësc les condiziuns, i pesć dla lotaria mëss indere gní davagná.
Ci che les döes scomenciadies á deboriada, é che intrames é provedimënc por scombate l’evajiun fiscala. Implü mësson avëi la majera eté, la residënza tla Talia y cumpré ite sciöche consumadëssa privata/consumadú privat (chël ó dí nia cumpré ite por n’ativité comerziala o na profesciun lëdia). Al vel ma paiamënc te botëghes fisiches. Le comerz online vëgn stlüt fora. Pro la lotaria vëgnel surapró ince stlüt fora i paiamënc olache al é le codesc fiscal sön le bon de cassa, por podëi spo trá jö l’import dala cuta.
Informaziuns plü menüdes sön co che an fej da se registré a trami i programs é da ciafé sön www.verbraucherzentrale.it
Paiamënc cashback nia registrá: le portal por les reclamaziuns
Insciö fejon da reclamé sce al é gnü fat fai. Ti ultims mëisc á zacotan de consumadësses y consumadus reclamé deache n valgügn paiamënc n’ê nia gnüs registrá sön l’app "IO" dl program de cashback. Sëgn á la Consap (Concessionaria Servizi Assicurativi Pubblici) metü a desposiziun n portal por reclamaziuns. Chësc é da ciafé chiló: https://reclamicashback.consap.it/reclamiprivate/faces
Sön chësc portal de reclamaziun vëgnel descrit avisa dötes les modalités y i termi. An pó fá reclamaziuns por acreditamënc mancianc o nia corec te 120 dis da canche al é gnü stlüt i tëmps de paiamënt desvalis.
De plü informaziuns é da ciafé sot a chësc link: https://www.consumer.bz.it/de/fehlende-cashback-auszahlungen-portal-fuer-beschwerden (Zentrala Europeica di Consumadus)