Le pachet é gnü aprové en mertesc ai 13 de aurí dala Junta provinziala y prevëiga n import complessif de nü miliuns de euro.
View the embedded image gallery online at:
https://www.lausc.it/atualite/15447-nue-miliuns-de-euro-por-le-restart-dla-cultura#sigProId8dbb9b113c
https://www.lausc.it/atualite/15447-nue-miliuns-de-euro-por-le-restart-dla-cultura#sigProId8dbb9b113c
Al vëgn implü ince sostigní le volontariat cultural. Le dërt da presenté domandes á lies de volontariat che renforza la vita culturala locala de n comun organisades te grups sciöche por ejëmpl cors, musighes, teatri, grups de musiga poplara y de bal poplar. N documënt cun i detais dles mosöres é gnü injunté.
L’assessur por la cultura ladina Daniel Alfreider á sotrissé le gran impëgn da fá indô pié ia les ativités culturales en presënza. “I messun mët en pratica vigni mosöra por podëi scomencé cun les ativités en presënza. Le govern á bele confermé che al sará poscibl da ti ciaré ales partides dl palon dl Europeo a Roma cun na presënza dl
View the embedded image gallery online at:
https://www.lausc.it/atualite/15447-nue-miliuns-de-euro-por-le-restart-dla-cultura#sigProId8dbb9b113c
https://www.lausc.it/atualite/15447-nue-miliuns-de-euro-por-le-restart-dla-cultura#sigProId8dbb9b113c
L’assessur por la cultura todëscia Philipp Achammer á recordé che la pandemia á smendri de cotan la vita culturala y artistica en presënza. “La cultura á la nezescité da pié indô ia y de prospetives nöies y tl mëis de ma sarál poscibl da pié indô ia cun les ativités. Le pachet aprové incö contëgn sovenziuns por sostigní l’ert y la cultura sciöche seturs economics te chi che al laora tröpes porsones”.
Por l’assessur por la cultura taliana Giuliano Vettorato él important che ince les assoziaziuns culturales che se fistidiëia di jogn y les biblioteches pois indô lauré sciöche denant. “Al ne sará nia saurí mo i sun sigü che man man sarál poscibl da daurí tres deplü”, insciö Vettorato che á rengrazié i colegs Achammer y Alfreider por la buna colaboraziun.