Ai 7 de oril sul Boletin Ofizial de la Region nr 14 (Concorsi) l’é stat publicà l bando del concors per corir l post de Sorastant de la Scola Ladina de Fascia con l’an de scola 2021/2022, ajache con chest istà fenirà sie servije atif sul lurier per jir en penscion ence l sostitut Sorastant Claudio Valentini, che à tout per n an l post de Mirella Florian, stata Sorastanta per 12 egn e jita en penscion l’an passà.
L concors era stat aproà con deliberazion da la Jonta provinzièla de Trent (delibera nr 141) amò ai 5 de firé passé.
L bando de concors é da poder veder, apede che sul Boletin de la Region, ence sul portal de la scola trentina Vivoscuola (www.vivoscuola.it/Concorsi), olache cogn vegnir portà dant la domanes on-line.
De più su La Usc stampèda de vender ai 23 de oril 2021. (Lucia Gross)
Concors per l nef Sorastant de la Scola de Fascia
L bando, aproà da la Jonta provinzièla ai 5 de firé, l’é stat publicà enstadì sul Boletin Ofizial de la Region e l’é temp enscin ai 10 de mé per domanèr de tor pèrt.
Galaria retrac
View the embedded image gallery online at:
https://www.lausc.it/atualite/15488-concors-per-l-nef-sorastant-de-la-scola-de-fascia#sigProId10eb3036be
https://www.lausc.it/atualite/15488-concors-per-l-nef-sorastant-de-la-scola-de-fascia#sigProId10eb3036be