La Usc di Ladins

Ai 23 de oril l’é la giornèda mondièla di libres e del derit d’autor, voluda da l’Unesco del 1996 per stravardèr la letradura, la publicazion di libres e la proprietà inteletuèla. L’é ence l dì de Sèn Gere, Sant Jordi per catalan, e a Barcelona l vegn zelebrà con na gran festa olache ge vegn donà a duc libres e reses.

Te chisc dis l’é ence i 405 egn da la mort de n gran autor, chest’outa no catalan ma castiglian, Miguel de Cervantes Saavedra, nasciù vejin a Madrid del 1547, mort del 1616 e autor de un di capolaores de la letradura mondièla, Don Chisciotte de la Mancha

Te chesta ocajion La Usc di Ladins ve sporc la rezenjion fata sun chest liber da Daniele Verra, che l ne deida a saer vèlch de più sun chest scritor, ma ence gran letor, “tant amant di libres da se perder te la vita e se troèr col cef te na neva realtà de ensomech, l’ensomech leterèr che amò viventea i letores de dut l mond, che amò viventea na giornèda de chèrta e enchioster, che amò viventea la giornèda del liber e de la reses."

La rezenjion é da poder lejer su La Usc stampèda de vender ai 23 de oril.  (lg)