Manual cun Statut ince por ladin

Data

07 de messel 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tl Manual dl Südtirol nü él da ciafé na linia de informaziuns ajornades sön l’autonomia, la storia locala y les istituziuns dla Provinzia. Les verjiuns ladines é danman por badiot y gherdëna.
Le Manual dl Südtirol cun le Statut d’autonomia é na fontana d’informaziun d’öga por ciaré do les tapes plü importantes dla storia, dl’aministraziun y dla politica dl Südtirol. Le manual ne contëgn nia ma informaziuns generales sön l’autonomia dl Südtirol, mo ince la Costituziun dla Republica taliana, l’Acordanza De Gasperi-Gruber y le Statut d’Autonomia. N punt important é ince le capitul che trata l’adoranza di lingac todësch y ladin.
Implü él da ciafé informaziuns sön le Consëi provinzial, le presidënt dla Provinzia y la Junta provinziala, sciöche ince sön l’Aministraziun provinziala y les competënzes dla Provinzia. Al vëgn ince presenté en cört danterater la Regiun, le Stat, i Comuns y l’Aziënda sanitara dl Südtirol.
Por l’assessur por la scora y cultura ladina Daniel Alfreider é la publicaziun por ladin de documënc d’interes publich de gran valüta. “Por vigni grup linguistich dla provinzia él fondamental da podëi se informé te so lingaz dla uma y insciö sostignunse inant la publicaziun de materai por ladin”, dij Alfreider.
Do l’ajornamënt dles verjiuns publicades por todësch y talian él sëgn danman da püch ince les verjiuns por ladin dla Val Badia y gherdëna. Les traduziuns é gnüdes fates dal Ofize Chestiuns linguistiches dla Provinzia.
Les döes verjiuns é por le momënt da ciafé online sön: https://www.provinzia.bz.it/news/la/publicaziuns.asp  (asp)