Letizia Beate pruma al Festival nazionèl de oujes de or

Data

08 de messel 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La joena da Dèlba ge va dò a la pedies de la sor Martina: enstadì la se à vadagnà la venta al 24° Festival “Voci d’Oro 2021”.

No l’é stat na “chimera” per Letizia Beate Iori, joena musizista da Dèlba, chela de se meter al luster per sia braura tel ciamp de la musega.

Chesta tousa de 20 egn la é cresciuda te na familia de ciantarines e pascionèdes de musega, l’à trei sores e una de chestes l’é Martina Iori, che se à jà vadagnà nonzech sorafora i confins. 

Beate la sona l clarinet e la chitara e la se aea jà tout fora de anter con sia esibizions te spetacoi te sia val, ma chest’outa la se à fat aprijièr per sia braura a livel nazionèl. 

Enstadì defat a Montecatini Terme l’é stat la venjidora assoluta del Festival “Voci d’Oro 2021” con na ciantia che à scrit ela enstessa che à per titol apontin “Chimera”.

Chest concors nazionèl é spartì te trei sezions, i Junior fin ai 14 egn, i Giovani dai 15 ai 38 e i Senior sora i 39 egn. 

Beate l’à vent desche ciantautora te la sezion Giovani e chest ejit podarà la didèr a se orir vèlch usc emportant del mond de la musega. 

Nos ge l’auguron de cher e ge fajon de bie complimenc.

Endèna Beate, che dò aer fat l liceo te la Scola Ladina de Fascia l’à fat ence n an de ensegnament, ades la va inant con si studies universitères tel setor di lengac per concostèr na formazion staifa per sie davegnir.  (Lucia Gross)