L Museo de Fascia e sia sezions, da cognoscer e slarièr fora

Data

10 de messel 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
I Servijes educatives à metù jù l program de la vijites vidèdes, ocajions per cognoscer l’atività e la neva esposizions.

L Museo Ladin de Fascia se à enjignà per sporjer dut istà ocajions per cognoscer, la storia, l’identità e la tradizions de noscia val. A Sèn Jan i ujes de la senta zentrèla del Museo é averc dal lunesc a la sabeda, da doman da les 10 a les 12 e domesdì da les 3 a les 7. De mèrtesc da les unesc vegn endrezà la vijita vidèda per veder la sales e la neva instalazions.

Dal prum de messèl l’é stat avert ence la desvaliva sezions sul teritorie che restarà avertes fin ai 10 de setember, dal lunesc a la sabeda, dutes da les 10 a les 12 da doman e da les 4 a ler 7 domesdì, dora che l Malghier, che é avert demò domesdì. I servijes educatives à metù jù n program da ge sporjer a duta la jent, tant chela del post che chi che rua da fora.

Via per dut istà vegn ence endrezà la vijites vidèdes, da les 11 inantmesdì e da les 5 domesdì, semper tel respet de la normes pervedudes contra l Covid. L calandèr di dis de la vijites vidèdes te la sezions sul teritorie é publicà con de autra informazions su La Usc stampèda de vender ai 9 de messèl e a la leta sul sit de l’Istitut Ladin. Per tor pèrt a la vijites ge vel se prenotèr dantfora al numer 0462 760182.