La Usc di Ladins

L 2021 l’é n an spezial per l sport talian, dò la venta de la Nazionèla Talièna ai Europei de balon, n an che vegnarà serà sù con un di apuntamenc più speté te la Provinzia de Trent: l Festival del Sport. L’event, endrezà da La Gazzetta dello Sport e da Trentin Marketing, con la colaborazion de la Provinzia de Trent, Comun de Trent, Apt e l patrozinie del Coni e del Comitat Talian Paralimpich, sarà endodanef a Trent dai 7 ai 10 de otober.

En lunesc ai 19 de messèl l’é stat la conferenza stampa de prejentazion. »L’é dalbon n piajer poder rejonèr endò de Festival del Sport – à dit l president e aministrador de RCS MadiaGroup Urbano Cairo – n muie sarà i evenc, i talk, i debatic e i ghesć e speron de aer ence n muie de atlec deretorn da le Olimpiadi de Tokyo e de poder i festèjèr con sia medaes e sia stories.«.

De più su La Usc stampèda de vender ai 23 de messèl.  (mci)