N liber dedicà a la mendranzes del Trentin

Data

02 de agost 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
N projet nasciù da la colaborazion col MiC e l Servije mendranzes linguistiches de la Provinzia de Trent.

Palù del Fersina, Luserna e Sèn Jan, con l’Istitut Culturèl Mochen, l’Istitut Culturèl Zimber e l’Istitut Cultural Ladin, l’é i lesc olache l’é ruà doi ghesć de gran nonzech: la demoetnoantropologa Valentina Santonico e l fotograf Roberto Galasso de l’Istitut Zentrèl per l Patrimonie No Materièl del Minister de la Cultura (Mic). L zil de sie viac tel Trentin l’é chel de binèr sù materièl etnografich e fotografich per n projet out a la valorisazion del patrimonie culturèl de la trei mendranzes linguistiches de la Provinzia de Trent, en colaborazion col Servije mendranzes linguistiches de la Pat. 

L materièl binà sù vegnarà metù te na publicazion che vel valorisèr i patrimonies culturèi de la mendranzes linguistiches taliènes: dò la publicazion de n prum volum dedicà a la comunitèdes Arbëreshë de la Calabria, del Friul, Croata del Molise, Greca Salentina, Ozitèna e Slovena, la seconda publicazion sarà dedichèda a la mendranzes zimbra, ladina e mochena e l’é pervedù che la vegne fata amò chest an. La scomenzadiva fèsc pèrt del projet più gran ‘Gli Italiani dell’Altrove’ che de mèrz del 2017 aea metù al luster la cultura ladina a Roma, envian te la capitala i maores esponenc de l’Istitut de Fascia e de la cultura ladina de l’autra valèdes.

De più su La Usc stampèda de vender ai 30 de messèl.