Ferata de la Veisc, l projet é beleche vertech

Data

03 de agost 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Massimo Girardi de Transdolomites auza fora amò n’outa l’emportanza de la ferata per i raions da mont e l’envia i politics a se dèr jù per l completament del percors de studie envià via da sia sociazion.

L president de Transdolomites Massimo Girardi met dant sia reflescions en cont de la ferata anter Trent e Penia, valutèda de spes desche na prospetiva te tempes lonc. 

La storia  - disc Girardi - à desmostrà che da canche nasc l’idea de na ferata a canche la vegn azetèda sul teritorie, per dò ruèr a la projetazion e a la realisazion, ge vel spetèr de spes dejines de egn. 

La pecia volontà di politics de se dèr jù te chesta prospetiva l’à troà de spes la vertola de la mencianza de scioldi e di cosć da sostegnir. Na strategia che permet de fèr nascer consens anter la jent che te chest veit ence n sparagn de ressorses publiches. 

La storia ne à ensegnà ence che l’é apontin canche mencia i scioldi che se fèsc i projec e che chisc, n’outa enjigné e metui te crigna, i podarà esser i prumes a vegnir touc cà te chela che i tempes per i finanzièr é madures. 

L’é chel che se aessa cognù fèr ence tel cajo de la ferata de la Veisc.

De più su La Usc stampèda de vender ai 30 de messèl.  (Cri.m)