La Usc di Ladins

Tl Museum provinzial Ciastel Tirol dlungia Maran vëgnel metü a jí (dlungia na sfilza de d’atres ativités interessantes) vigni ann öna na gran mostra tematica y döes o trëi de mëndres che tematisëia avenimënc importanc fora dla storia dl Tirol o che mët le focus sön personalités importantes jüdes ite tla storia.
Insciö él dan da püch gnü inaudé na mostra söla rapresentaziun dl Tirol tles chertes geografiches. Sciöche i savun é chertes geografiches bele da vedlamënter incá stades n oget important y na testemonianza storica unica por ci che reverda le stüde y la comprenjiun de n raiun, chertes descrí y documentëia les zircostanzes politich–aministratives y le svilup economich de n teritore te n cer tëmp. Cun chertes geografiches gnôl planifiché y fat veres, visualisé confins y raiuns, regolé stric de termi y aministré raiuns. Chertes geografiches storiches fej porchël porvia de sües carateristiches y de so messaje tler pert dles fontanes scrites plü importantes che i un. Sciöche documënc o bragamins, insciö informëia ince chertes y schizes de situaziuns y de avenimënc dl tëmp passé.

Deplü sön la mostra podëise lí t’La Usc di Ladins di 30 de messé