Pelegrinaje ladin da Sèn Freinademetz

Data

19 de setember 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
En sabeda ai 25 de setember l apuntament religious a Oies, te la Val Badia. Se l é enteres e jent assà l’Union di Ladins de Fascia pel endrezèr n pulmin.


La Union Generela di Ladins dla Dolomites, en colaborazion con la Union di Ladin da Fodom, endreza l pelegrinaje tradizionèl de la jent ladina a Oies. 

La devozion per l sènt badiot Père Ujop Freinademetz é cresciuda ti egn ence anter la comunanza fascèna olache a Pera l é l grop miscionarie Freinademetz che se dèsc ju te n grum de scomenzadives de solidarietà e de aiut a chi che é tel besegn.

Per chest l pelegrinaje a Oies doventa an do an n apuntament spetà per jir a preèr nosc soul sènt ladin che l vèrde via ence nesc miscionaries slarié fora per l mond.

En sabeda ai 25 de setember da les 14.30 se se troa te la gejia de Sèn Linert de Badia. Da les 15.00 se ponta demez per jir do l troi de la stazions, duc pel se tor do e preèr col libret »Na orazion sun l iade«, fin al Santuarie. Chiò da les 16.00 l decan segnour Iaco Willeit zelebrea messa ladina col compagnament del Cor de gejia de la Plié da Fodom.

Se fossa enteres e l numer assà de jent che domana, l’Union di Ladins de Fascia pel endrezèr ence na coriera per jir fin a Sèn Linert opura fin a Oies per compagnèr chi che no fèsc la Via Crucis. 

Per informazions o prenotazions ge vel chiamèr inant da en mèrtesc ai 21 de setember ti oraries de ofize al numer de telefon 0462 764545.