La Usc di Ladins

»Mie Museo. Arpejon per l davegnir«, no l é demò na esposizion de ogec, l é la storia e l saer de noscia jent. L é n’arpejon che ne conta del passà per l davegnir, l é oujes, pedies, emozions che ne rua dretes te l’ènema. 

En sabeda ai 11 de setember l Museo Ladin à festejà i 20 egn de la neva senta museala con n moment ofizièl e belapontin l’avertura de na neva mostra che se podarà veder enscin ai 11 de otober e dapò via per d’invern.

»L’é n moment emportant - à dit la presidenta de l’Istitut Cultural Ladin Lara Battisti dant de orir i ujes de la sala Heilmann - percheche l ne permet de far na riflescion sul Museo, sun che che l’é anchecondì: na majon di saeres che à metù en segureza l patrimonie cultural de noscia jent. La storia no l’é demò chela del passà, ma l’é ence chela che se scrif tel davegnir.«

De più su La Usc stampèda de vender ai 17 de setember.  (Monica Cigolla)