Imparé i lingac: le grup de laur dla FUEN tëgn so congres a Balsan

Data

30 de setember 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Le grup “Educaziun y Formaziun” dla FUEN é rové adüm a Balsan por so convëgn anual, cun l’intenziun de mëte a confrunt i sistems scolastichs desvalis de deplü mendranzes spanüdes fora por l’Europa
I salüc ofiziai é gnüs sporc dal Assessur ladin y Vizepresidënt dla Junta provinziala Daniel Alfreider, Vizepresidënt dla FUEN (Union Federalistica dles Nazionalités Europeiches), adöm ala secreteria generala dla FUEN Éva Adél Pénzes y ala coordinadëssa dl grup de laur Bérengère Vogel.
Avisa la Éva Adél Pénzes á daurí i laurs dl convëgn, dijon che "les mendranzes dla Provinzia de Balsan god de n model educatif, che é da tó da ejëmpl dales atres mendranzes". L’assessur Alfreider á alzé fora l’importanza fondamentala, por na mendranza, da avëi n insegnamënt tl lingaz dla uma.
Ala conferënza tol pert esperc rová adalerch da passa 10 stac europeichs, chi che pó imparé da conësce plü da dlungia la realté y scolastica di trëi grups linguistics dla provinzia da Balsan: le sistem scolastich todësch (porté dant da Christian Walcher), chël ladin (presenté da Emanuel Valentin) y chël talian (porté dant da Verena Cassar y Renate Rauter).
Tratan le convëgn á i partecipanc la poscibilité da se baratè fora informaziuns y da se scambié esperiënzes n cunt de sistems educatifs y pratica te scora.
Al é gnü vijité la scora elementara "Goethe" de Balsan y la scolina "Salieta" de Urtijëi. A completé i dis de formaziun él ince na vijita al "Istitut de linguistica aplicada" dla Acedemia Europeica EURAC.
Le focus é metü sön le pröm ziclus de educaziun, chël che é determinant por imparé deplü lingac da pert di pici mituns. Al ó ester strotöres aladó (scolines y scores elementares), personal cualifiché, y dantadöt n sistem basé sön fondamëntes scientifiches y bunes pratiches pedagogiches.

Deplü sön chësc convëgn plü inant!