Enjignèr segnalibres neves e beloc e endrezèr na scomenzadiva che posse valorisèr la Biblioteca del Istitut Cultural Ladin te sie cedean, tolan ite duta la comunanza, dai più picoi a chi più de età. La é nasciuda da chisc obietives la idea de la responsabola de la Biblioteca del Istitut Ladin Alberta Rossi, de meter dant n concors »L Segnaliber che volesse«.
I bec e joenec fascegn é stac envié a ge domanèr a si giaves o a zachei più de età de ge portèr dant n dit da zacan per poder l raprejentèr con n dessegn.
I é stac dassen n muie, passa cent, i segnalibres rué ite e duc à podù ge vardèr su la piata istituzionèla e su la piata facebook del ICL votèr chi che ge saea più bie.
En sabeda ai 2 de otober te Biblioteca del Istitut l é stat la premiazion del concors.
Podede lejer dut l articol su La Usc stampèda de vender ai 8 de otober. (Lucia Gross)
L ICL à premià l Segnaliber più bel
L é stat trei bezes da la val de sora, Giulia Riz, Joana Rabensteiner e Nadia Riz, ensema con i giaves, a avenjer l concors pissà da la responsabola de la Biblioteca del Istitut Alberta Rossi.
Galaria retrac
View the embedded image gallery online at:
https://www.lausc.it/atualite/17351-l-icl-a-premia-l-segnaliber-piu-bel#sigProIda999a60513
https://www.lausc.it/atualite/17351-l-icl-a-premia-l-segnaliber-piu-bel#sigProIda999a60513