La Usc di Ladins

Se à serà su con n suzess straordenèr la 4^ edizion del Festival del Sport, stata a Trent dai 7 ai 10 de otober, con mile e mile jent che à tout pèrt ai 115 evenc sul program e animà la strèdes e la piazes de la zità de Trent. Passa 250 gregn campions del sport à contà sie »attimo vincente« tedant a n publich zacan en prejenza e che dalbon à sprizenà contenteza e gaissa a i veder dal vif. L’endesfida, nasciuda acà cater egn da la cordanza anter Gazzetta dello Sport e Trentin Marketing e realisèda con la colaborazion de la Provinzia de Trent ensema col Comun e l’Apt e l patrozinie del Coni e del Comitat Talian Paralimpich, la é stata venta. Te la zità de Trent l é stat dombrà 30.000 prejenzes e passa 10 milions l é stat la video views su gazzetta.it e i canai social endèna i 4 dis de la manifestazion.

»Sion contenc de esser stac a Trent con intervistes, talk, prejentazions e debatic che à contà la storia del sport talian e i bie resultac te chest an 2021 – à dit Urbano Cairo, president e aministrador de Rcs MediaGroup. Chisc 4 dis à arvejinà amò de più i sportives con la jent, se à sentù forta la voa de fèr festa per l sport, descheche no se vedea da desvalives egn.«

De più su La Usc stampèda de vender ai 15 de otober.  (Mci)