Ai diesc agn "Festival dla jonëza dl’Euregio"

Data

16 de otober 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Por le diejim iade s’á induné a Steinach al Prener 30 jogn dl Tirol, Südtirol y Trentin por conësce damí l’Euregio. Ince trëi jogn dles scores altes dles valades ladines á tut pert.
Sot al moto “costruí deboriada la regiun europeica” á l’Euregio Tirol-Südtirol-Trentin metü a jí le Festival di jogn dai 22 ai 25 de setëmber a Steinach al Prener. Na bela ocajiun por i studënc da imparé a conësce jogn dla medema eté dles atres regiuns, da se baraté fora opiniuns y dantadöt da conësce damí le teritore olache i viun y la storia che i partiun adöm. 

Tratan chisc dis unse albü la poscibilité da imparé tröp söi trëi raiuns. Te workshops cun esperc dl ciamp dl’economia, dla politica, dl sport y dl’istruziun unse podü ciafé tröpes informaziuns. Al nes é gnü porté dant la storia dl’Autonomia dl Trentin-Südtirol, dles poscibilités che chësta nes dá, mo ince de nüsc dovëis te sü confrunc. Al nes é ince gnü presenté le proiet ambizius MEU (Model european union) che mët a jí simulaziuns de politica europeica por i jogn y ti dá a chësta manira la poscibilité da se identifiché cun sentades politiches a livel europeich y capí sciöche les dezijiuns vëgn tutes.

Trëi professurs dl Südtirol nes á porté dant te na manira interessanta y plajora la storia de nosta provinzia da n punt de odüda di grups linguistics y culutrai talian, todësch y ladin. Nüsc compagns dl Trentin y Tirol á te chësc workshop ince podü imparé val’ parora por ladin.

Liéde inant deplü tla ediziun atuala de La Usc di Ladins!