La Usc di Ladins

"I ún analisé i dac dal 1998 incá", dij le diretur dla repartiziun Laur Stefan Luther, "y i ún constaté che les assunziuns é chersciüdes da chës 14.000 tl 1998 a 34.000 dan dui agn, ann récord por le turism." Chësc demostra che le turism é garant de laur y störes. Mo tan de laurantes y lauranc é pa fedeles/fedei a so post de rutina tla gastronomia y hoteleria? Ince chiló él gnü ppubliché n dat: danter le 45 y 55%, dij Luther, mo al é de gran desferënzies danter le personal dla gastronomia y chël dla hoteleria (ativités rezetives): la percentuala é dl 34% resp. 53%. Chësta tendënza reverda ince i laurs sciöche cöghes, ciamenësses o baristes (te trami i sesc) ti hotí, olache les colaboradësses vá plülere indô tl medem post a lauré do la palsa danter na sajun y l’atra. Ince n ater aspet él da lí fora dl stüde: olache al é na sajun da d’invern lungia y sterscia, él plü saurí che le personal vais a lauré tl post che al á nu.

Liéde inant deplü tla ediziun nöia de La Usc di Ladins che gnará fora en vëndres!