L Zenter de Competenza per Storia Regionala dla Università Liedia de Bulsan, l Museum Gherdëina, l Museum dles Eles da Maran y l Archif dles Eles de Bulsan prejenteia la edizion di diari dla femena dl dotour de Urtijei Filomena Prinoth–Moroder. A la documenteia l temp scialdi lonch dal 1885 al 1920.
I diari à sciche fontana de recordanza bele da giut fat si ingres tla scienza dla storia. Ala se trata de documenc de pruma man, che reporta y comenteia truepes fassetes dla vita storica. Laprò deventa l scrivan o la scrivana di diari sciche autour o autora plastica. Sia sogetivité, la veduda personala de situazions y avenimenc é da brancé ite.
L diare dla femena dl dotour Filomena Prinoth–Moroder, nasciuda a Maran y marideda a Urtijei, documenteia la vita de Gherdeina tl temp lonch dal 1885 al 1920. A la permet de cialé ite tla organisazion dl laour, dla vita y dl temp lede de na familia de dotours sciche pert dla borghesia rurala, te n temp de stramudedes sostanziales tla sozieté y tl ciamp politich.
Filomena Prinoth–Moroder à scrit cater diari con endut 983 plates.
Deplú sun chesta publicazion y sun les prejentazions podeise lieje tla Plata Université d’La Usc di Ladins di 5 de november
Mia Gherdeina
Diari sciche pert dles scienzes dla storia. Prejentazion de "Mein Gröden. Die Tagebücher der Filomena Prinoth–Moroder (1885–1920)"
Galaria retrac
View the embedded image gallery online at:
https://www.lausc.it/atualite/17654-mia-gherdeina#sigProIdb0c5f821b3
https://www.lausc.it/atualite/17654-mia-gherdeina#sigProIdb0c5f821b3