Jump Out the Web, contra la dependenza tecnologica

Data

11 de november 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L é do che rua a compiment l projet de INOUT per sensibilisèr i joegn a na doura più consapevola del fonin e de la rei globala. L é stat realisà ence n video musical che vegn moscià ai 12 de november.

Sport energics, relazions positives e n grop engaissà: l é chest l mix esplosif che à proponet la Coprativa Sozièla INOUT tel chèder de ‘Jump Out the Web’, l projet out ai joenec de Fascia nasciù per scombater la dependenza dal fonin e dal web.

L percors, che à tout ite passa 30 bezes e bec, l é tacà l’aisciuda passèda a la fin de la clausura e l é do che l rua a compiment apontin te chisc dis, do aer portà inant na gran lingia de ativitèdes e scontrèdes con esperc, sportives e psicologs. 

Parkour, acrobatica, slack line, laboratories sul circo, sauc e ativitèdes fisiches a l’averta e te palestra se à enterzà a momenc de reflescions e jech. Te la ultimes setemènes bezes e bec de Jump à registrà n nef video musical sa mont, ai 2300 metres del Refuge Roda de Vael e de la Baita Marino Pederiva, ensema al deejay Daniel Liberatore, che se podarà veder dantfora en vender ai 12 de november da les 6 da sera al Cotura Café de Vich, l Bar educant olache da pecia setemènes vegn proponet ativitèdes, corsc e momenc de devertiment per joegn e joenec.

De più su La Usc stampèda de vender ai 12 de november.