Elsa Martin é conesciuda dant al publich dla Carambolage y ence anter les Ladines y i Ladins che à plajei da ascoté su les cianties tl furlan. L duo che sona da plu agn deberieda prejenteia sun invit dla Consulta Ladina dl Comun de Bulsan l projet "Al centro delle cose", che é na scincunda al poet Pierluigi Cappello y a sies poejies. L duo Elsa Martin y Stefano Battaglia à metù en mujiga les poejies, con composizions originales che se muev da la forma ciantia a estetiches contemporanes nueves, tres n sistem menù de strutures morfologiches videdes da les evocazions dl test. Les poejies chirides fora tla produzion rica de Cappello é scrites per furlan y per talian. Artejan dla parola da la potenza dejarmanta, de na beleza tant clera che à la souramessa per sia inozenza sota, segura, y per sia trasparenza comoventa che sà da ti rejoné ai cuers dla jent.
Entreda debant, dovei de prenotazion al sit dla Carambolage.
Elsa Martin per "Ladinia Mujiga"
En juebia, ai 18 de november 2021, da les 20:00, ciantarà y sonarà la ciantautoura furlana adum al pianist Stefano Battaglia tla Carambolage a Bulsan. Ladines y Ladins de Bulsan vegn invieDEs
Galaria retrac
View the embedded image gallery online at:
https://www.lausc.it/atualite/17764-elsa-martin-per-ladinia-mujiga#sigProId8bdeaff3b9
https://www.lausc.it/atualite/17764-elsa-martin-per-ladinia-mujiga#sigProId8bdeaff3b9