La Usc di Ladins

Rua endò sun paladina l projet teatrèl interladin metù ensema l an passà dal grop »I Bontemponi« de Fascia con David Dorich e dal ator badiot Simon Kostner, con test de Vigilio Iori e regia de Ilaria Chiocchetti. 

L é la storia de n pec fascian e n lèrsc badiot, vitimes de Vaia, che se scontra te na sia e endèna che i speta sie destin i à l met de se contèr che che i à vivù a cajon del tormen, ma ence momenc de la storia più grana de noscia tera ladina.

Chest projet de valuta che renforza l leam anter variantes e comunanzes ladines vegn portà dant per endrez del Comun General de Fascia tel chèder de la scomenzadives de l’Aisciuda Ladina che é stata dedichèda a ambient e identità, con scomenzadives che se sparpagna fora per dut l an.

L spetacol vegn metù dant en sabeda ai 20 de november da les 20.30 te La Gran Ciasa de Soraga.