Variores por dötes y düc
Südtirol s’arjigna da gní »raiun ghel« y mëna do da fá les terzes y – dantadöt – les prömes variores
Südtirol ne l’á nia saurida por la desfida cun les infeziuns nöies, dantadöt la percentuala di nia vaziná é cotan alta y garantësc nia tëmps lesiers por le turism, le comerz y la economia en general. La Junta provinziala cun le presidënt Arno Kompatscher y l’assessur por la sanité Thomas Widmann ó stravardé inant i ospedai da strëntes y stlütes, y mëna do cun n plann de vazinaziun massif (che dess gní presenté indoman, jöbia ai 2 de dezëmber 2021) aziuns locales zënza de gran complicaziuns burocratiches y destanzes geografiches fora por döta la provinzia. Tla edema dan otedé él gnü vaziné te Südtirol indöt 17.000 porsones, chësta edema ón ruvé al numer de 25.000. Na desfida é sëgn che la jënt dl’eté sura i 50 agn, agn ric de nasciüdes s’â lascé vaziné de ma y jügn y se damana sëgn le »booster« (la terza dosa), dlungia ales tröpes porsones che se lascia vaziné impormó sëgn le pröm iade! (Iaco Rigo)
Galaria retrac
View the embedded image gallery online at:
https://www.lausc.it/atualite/17912-variores-por-doetes-y-duec#sigProId24a223d203
https://www.lausc.it/atualite/17912-variores-por-doetes-y-duec#sigProId24a223d203