La Usc di Ladins

Oramai nes acompagnëieres vigni de da dui agn incá. I baiun dles zifres sön infeziuns y morc de o cun Covid, che vëgn publicades a livel nazional y ince local. Zifres che podô tl pröm ince ester interessantes por ester informá sön la situaziun. Indere éseres deventades bele da n pez n »ritual pesoch«. Al n’é tres deplü che critichëia chësc "bo­mbardamënt" cuotidian che mët plü co ater trica tla jënt. Y chësc tratan che al foss gran debojëgn che la jënt podess finalmënter »arsí« da chësta situaziun de aprensciun costanta. Sëgn vëgnel ince dal Comité Tecnich Scientifich nazional la ghiranza che an lasces da publiché les zifres vigni de. La proposta é chëra da dé fora le boletin scemai ma plü n iade al ’edema. Lapró se damanon ince che i amará de Covid vëgnes cumpedá atramënter, se conzentran söi dac essenziai che reverda les porsones te ospedal o te terapia intensiva, ci che pó davëi dé indicaziuns sön la situaziun de criticité.   (pablo)