Thomas Widmann stá inant sön so scagn da aconsiadú provinzial lité, ajache al é gnü orü dala jënt y söa desmetüda poscibla dala Junta provinziala foss ma n resultat dla malcrëta danter le presidënt Kompatscher y ël.
Sëgn messará le pres. Kompatscher mëte dant n conzet nü de composiziun dla Junta provinziala – insciö Widmann, che arata ince da avëi afronté ti dui agn passá tröpes desfides desco assessur ala sanité (recordan le Covid–19) y che n scherz tla colaboraziun danter ël y la Junta provinziala n ann y mez ann dan lites nöies ne sides daldöt nia costrutif por i sorvisc sanitars y la jënt.
Widmann á dé incö, mercui, na conferënza stampa a Balsan. (Iaco Rigo)
"I stá inant!"
L’assessur provinzial SVP Thomas Widmann pita söes dimisciuns dala Junta provinziala, sce chësc é tl interes dl Presidënt dla Junta provinziala y dl Consëi provinzial che messará nen baié de na mudaziun dl conzet de Junta dl presidënt Arno Kompatscher. Chësc ti á bele tut fora dles mans al colegh Widmann les competënzes (sanité, fira otica y cooperatives)
Galaria retrac
View the embedded image gallery online at:
https://www.lausc.it/atualite/19126-i-sta-inant-tl-consei-provin#sigProIdb1f1ddd262
https://www.lausc.it/atualite/19126-i-sta-inant-tl-consei-provin#sigProIdb1f1ddd262
