La Usc di Ladins

L’ennom de cösta maiú barca de crujada eletrica al monn é "Yangtze River Three Gorges 1" y é gnüda svilupada tla Cina. So iade de vernissaja ára podü festejé dantier a Yichang tla Provinzia de Hubei.
Aladô dal "foliet popolar dla Cina online" é la barca lungia 100 metri y leria 16,3 metri, ara á lerch por 1.300 passajiers. Ara vën adorada dandadöt por jites de vacanza söl rü de Jangtse dlungia Yichang.
La barca vën alimentada estlusivamonter da na capazité de patris de 7.500 kwh, ci co corespogn a na capazité de patrí de 100 auti eletrics – scri le foliet. Con na ciaria plëna póra desfiré cina 100 km.
La barca é gnüda costruida con en finanziamont statal dla Cina, ara á costé 23,5 miliuns de dolars americans (150 miliuns de Yuan).
La barca ne fej degüna vera y vibraziuns, y sparagna 530 tonelades de gasöre al ann. Les emisciuns diretes de CO2 é zero. (iaco rigo)

fotos: chinesische volkszeitung online/german.people.cn