La Usc di Ladins

Ai 9 de oril a Milan l é stat la radunanza nazionèla del Socors Alpin e Speleologich che à renovà la encèries che va fora vigni trei egn. A la vida de la emportanta organisazion che se cruzia de la segureza sa mont l é stat lità per la terza outa de seghit desche president l ladin Maurizio Dellantonio del Bandèr. L é dal 2015 che Dellantonio vida l CNSAS, na organisazion che rua te duta la regions de la Tèlia e che con 7000 operadores la fèsc passa 10.000 miscions al an e la é do a crescer enseghit.

Chisc egn é stac segné ence da na lingia de reformes legislatives e da na azion de reorganisazion per fèr del Corp per l Socors n pont de referiment semper più segur e percacent, ence travers na colaborazion ativa con la istituzions, col Goern e col Departiment de Protezion Zivila e travers neva cordanzes con setores de prum pian de la Tèlia.

“Jon inant per autres trei egn – à dit Dellantonio – per veder crescer amò l Socors, per esser amò più efizienc tel didar la jent. Con spirit de servije volon seghitar a esser l referiment per la segureza sa mont, semper coi medemi valores ma col renovament e i mioramenc che pel vegnir da la tecnologia e da la formazion de nesc operadores.”

 (LG)