La proponetes de Transdolomites per se mever te la Dolomites

Data

26 de auril 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
La sociazion vidèda da Massimo Girardi tol dant problemes e prospetives di trasporc ensema ai esperc de chest setor.

Te la Dolomites sion a n crousdevia e aon tedant doi soluzions: restèr te la condizions de aldidanché con vèlch miorament ma seghitan a nodèr tel mèr di problemes, prum de dut l trafich, o se n adèr zacan del problem ambientèl e del besegn de n nef model de turism più respetous del teritorie.

L tem di trasporc l é n muie senester da tor dant, ma proprio chiò se jia l davegnir de la region alpina e dolomitana. Ge vel vijion, programazion strategica, renunzia al populism che troa consens sorì tel fèr su de neva strèdes. Ge vel na clas politica che no peissa a la litazions ma a la robes da fèr ti diesc egn che vegn e che capesce che l problem del trafich l ponta via da n muie più dalonc. 

L é paroles de Massimo Girardi, president de Transdolomites, che en jebia ai 21 de oril à binà ensema esperc de mobilità e de ferates te na scontrèda publica fora Ciavaleis, orida da l’assessora del Comun a la politiches sozièles di joegn e de la families Carla Vargiu. A rejonèr l é stat envià Giovanni Saccà del Colege Enjegneres de la Ferates de la Tèlia, Diego Cason espert de soziologia del turism e de la pianificazion teritorièla, Adriano Gatto e Carlo Guardini. 

L problem del trafich – spiega Girardi - cogn esser vardà a n livel più lèrch, ajache i ghesć che rua te noscia val i vegn da la Tèlia, dal rest de la Union europeèna e del continent. L é chiò che se cogn analisèr l problem e meter dant la soluzions. A chest se jonta i besegnes di sentadins che vif dut l an l problem de la mobilità e che se troa ades a cogner ge fèr front al cost di carburanc che pesarà semper de più sui bilanzes de la families. 

De più su La Usc stampèda de vender ai 29 de oril.  (MCI)