La Usc di Ladins

No l é demò na costion de parbuda. L’identità met ensema valores te chi che vigni ladin cognessa se recognoscer, desche se fossa na emprometuda renovèda dì per dì.

L percors de rebranding partezipà de l’Istituzion l é l resultat de na atività che à tout dant doi aspec: da na man i raporc profescionèi e umans ite te la Majon di Fascegn - col fèr vegnir fora talenc e capazitèdes de vigniun per arjonjer l obietif e la miscion condividuda - e da l’autra i raporc foravia, co la jent, co l’identità ladina che se adatea te la vita da duc i dis. Vigni atività, vigni vèrech per meter adum daite e defora te na veièda soula envers la condivijion, la comunicazion e l passaje da veie a nef, da ritajon e neva storia, i se à tout fora per la gaissa e la positività, e i à abù deretorn desche responeta da man del teritorie i medemi valores.

Do un an de zelebrazions e restruturazion, olache la ativitèdes é states portèdes dant con chela de spartir l medemo zil, se à palesà l besegn de renovèr la parbuda istituzionèla. N mudament vegnù fora da la volontà de meter adum, ence tel logo, i valores sun chi che se poja l stravardament de l’identità ladina te sie desvalives setores: linguistich, folcloristich, storich e culturèl. 

De più su La Usc stampèda de vender ai 29 de oril. 

 (SR)