La Usc di Ladins

Artistes y artisć che paia ite almanco n contribut de 500,00 euro al ann te n fonds ajuntif por la ponsiun pó da sëgn inant fá domanda da ciafé lapró n contribut de 500,00 euro dala Provinzia, scioldi che vëgn paiá ite tl fonds pensionistich y dess ti garantí n de na ponsiun. La Provinzia da Balsan á stanzié adöm cun la Provinzia da Trënt tl bilanz por chësc fin na soma de 500.000,00 euro. 
Chës artistes y chi artisć che á interes da tó pert al sostëgn, ará da fá domanda tla repartiziun provinziala dla cultura de so grup linguistich por l’iscriziun y dedô anualmënter ativé le contribut tres la ASSE (ajentöra por le svilup sozial y economich).
Tó pert pó artistes y artisć di ciamps desferënc sciöche ert figurativa, teater, musiga, leteratöra y le film.