La Usc di Ladins

Fascia pert l 23% de ladins. L é chest l dat de maor marevea, uzà fora da duc canche enstadì l ISPAT, Istitut de Statistica de la Provinzia de Trent, à dat fora i ejic de chela pèrt del dombrament de la popolazion che revèrda la mendranzes linguistiches e che à inom »rilevazion su la consistenza e la dislocazion teritoriala di sentadins che partegn a la popolazions de lengaz ladin, mochen e zimber«.

L dat disc avisa che la perzentuèla de la jent de Fascia che à declarà de partegnir a la popolazion de lengaz ladin la é passèda dal 81,7% al 58,4%. N gran smendrament che é stat vedù e comentà a na vida negativa o adertura con alarmism e, enceben l dit che n mèl comun l é na mesa legreza, somea no consolèr i fascegn l fat che l smendrament sie stat te dut l Trentin e l revèrde ence i mochegn (-17% te sie raion linguistich), i zimbres (-16%) e adertura ence i ladins te la Val de Non (-5%).

Podede lejer dac e conscidrazion su La Usc stampèda de vender ai 6 de mé.  (Lucia Gross)