La Usc di Ladins

L fotovoltaich l é n argoment che te chest moment soscedea gran enteres. Se l à vedù ence da la partezipazion de na otantina de persones a la scontrèda endrezèda dal BIM Adesc valèdes de la Veisc ensema a la Provinzia de Trent en lunesc ai 27 de jugn a La Gran Ciasa a Soraga. Na scontrèda informativa, una de la lingia en progran te dut l Trentin, per prejentèr l projet del fotovoltaich per la families. N publich ascort e calificà con ombolc e assessores di Comuns de Fascia, l procurador del Comun general Detomas, l conseier provinzial ladin Guglielmi, la senatora Testor e etres raprejentanc istituzionai. La scontrèda é stata averta dal president del BIM de la valèdes de la Veisc Francesco Dellantonio Tasin che à metù dant l’emportanza de chest projet pissà per ge jir encontra a la families te chest moment de emergenza.

De più su La Usc stampèda de vender prum de messèl.  (Monica Cigolla)