Trëi aconsiadus nüs por le Museum provinzial de Franzensfest

Data

12 de agost 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tl ex fort militar eson tl laur da realisé la documentaziun y mostra söla storia plü jona de Südtirol. Tl consëi scientifich él gnü cherdé sëgn ciamó i esperc Andrea Di Michele, Hans Heiss y Martha Stocker
La fortëza da Franzensfest deventará n comples museal söla storia plü nöia dl teritore südtirolesc, dal 1800 a nüsc dis. La Junta provinziala á bele la fin dl ann passé aproé le proiet por la costruziun de n museum provinzial dediché ala storia plü jona de Südtirol.
Ai 9 d’agost 2022 á la Junta provinziala fat fora da aplié le comité scientifich por la realisaziun dantadöt dl contignü che dess ciafé lerch.
"I storics contemporans Andrea Di Michele, Hans Heiss y Martha Stocker é esperc comprová dla storia jona dl Tirol dl Süd y sciöche tai acompagnarai le prozes de svilup dla mostra nöia tla cualité de consulënc", á dit le presidënt dla Junta Arno Kompatscher.
Atualmënter é le comité scientifich dl museum provinzial da Franzensfest metü adöm dala storica dla Université da Desproch Eva Pfanzelter, che á sura la ciaria da presidënta, Dario Massimo desco vizepresidënt, dala curadëssa provinziala Karin Dalla Torre, dal componist Eduard Demetz, dala curadëssa Sabine Gamper, dal storich Oswald Überegger y dala architëta Michaela Wolf. Cina ala fin de n ater ann, laurará i storics Andrea Di Michele, Hans Heiss y Martha Stocker desco suport dl comité scientifich por acompagné le proiet dla mostra permanënta, lauré fora l’orientamënt de basa y porté inant le prozes de svilup.
Tl dagní sará l’esposiziun nöia focalisada söl XX secul y tignarà cunt di avenimënc storics plü importanc che á influenzé le svilup dl Tirol dl Süd.