Fèr èrt, defat, vel dir sperimentèr e n simposie l é l’ocajion miora per fèr sperimentazion travers l barat de idees, conzec, strumenc, materièi, de tecniches; l é na vida per evolver, con autra paroles na vida per crescer.
L tem cernù l é »Surplus – de
View the embedded image gallery online at:
https://www.lausc.it/atualite/20908-al-via-l-5-simposie-toni-gross#sigProIdc76980391d
https://www.lausc.it/atualite/20908-al-via-l-5-simposie-toni-gross#sigProIdc76980391d
Tolarà pèrt 4 cobies: l badiot Max Castlunger con Arianna Gasperina; Markus Gasser con Gianluigi Zeni; ‘Kompripiotr’ col badiot Tobias Tavella e Giorgia Marchetti con Guglielmo Bevilacqua.
No menciarà l laboratorie didatich de scultura di studenc del Liceo artistich de Fascia che i podarà se sproèr a zipièr (ic con la tecniches tradizionèles) dedant a la jent col didament di ensegnanc Davide Deflorian, Andrea Dorigatti e Tiziano Deflorian.
I artisć lurarà dal lunesc al vender te 4 postazions a l’averta e ogne dì les 18:15 da vegnarà endrezà n event de cornisc, te piaz o te sala de Comun. Ai 12 sarà la prejentazion di partezipanc e del Simposie; ai 13 n Aperiart con musega e ciacolèda con artisć e artistes lo dal Pub Mirò; ai 14 na scontrèda sui maestres del passà (Bepin Soraperra, Tita Pederiva, Zerilo Bora e Toni Gross); ai 15 Aperiart lo dal Pub Rew e ai 16 da les 17.30 performance finèla. (LG)