Vaia, l becherle, l destach sun Marmolèda, l gran ciaut e la suta de chest istà e l maldefech, l é elemenc desferenc che met en pericol l bosch e l ambient e che i à duc la medema cauja tel mudament climatich. Aldò de dut chest Mountain Wilderness Italia, travers sie president de onor Luigi Casanova, à manà fora n document che vel envièr la jent e la aministrazions di lesc da mont a tor te man la situazion con investimenc a livel economich, uman e scientifich.
No l é assà demò responer a la emergenzes, se lascèr su la preziousa protezion zivila, ma ge vel analisèr l teritorie te duta sia complessità e mudèr la pianificazion, vardan soraldut al consum de la sperses ti raions da mont, a la gestion de la èghes e del bosch. Chest defat l é cresciù trop ti ultimes cent egn, ma l é n bosch scherpent, massa de spes con èlbres duc de la medema sort e de la medema età e l’endesfida longia e no sorida l é chela de na reconverscion per aer bosch più fort e resilient, con maor biodesvalivanza.
De più su La Usc stampèda de vender ai 9 de setmber.
Cognon endò investir te la gestion del bosch
N document de Mountain Wilderness se ouc a la jent e a la istituzions per dir che i mudamenc climatics ne empon de vardèr endò al teritorie a na vida desferenta.
Galaria retrac
View the embedded image gallery online at:
https://www.lausc.it/atualite/20912-cognon-endo-investir-te-la-gestion-del-bosch#sigProId1fe1b3763a
https://www.lausc.it/atualite/20912-cognon-endo-investir-te-la-gestion-del-bosch#sigProId1fe1b3763a