La Usc di Ladins

L congres general dla FUEN (la federazion europeica dles mendranzes regionales) é senté adum chisc dis a Berlin. Ence i Ladins é a la pert con na delegazion dla Union Generela di Ladins dla Dolomites. L prum di ti é sté dediché a la situazion dla Ucraina, con raprejentanc dles mendranzes manacedes da les ideologies imperialistiches y da les intervenzions militares massives dla Ruscia. Tla Ucraina vivel da secui encà truepes mendranzes, che à tres endò messù soporté soprescions, desgortes y soferenzes. La Vera atuala é na sterminazion dla cultura y vita tla Ucraina, ma l’esigenza de defenjion cherieia unité anter duta la jent che viv te chi raions, per la liberté y la democrazia.