La Usc di Ladins

Le presidënt Luca Zaia scri ennier ensciö (traduziun parora por parora tal ladin mareo):
<Novités emportantes dal punt d’odüda dal turism ecocompatibl tal Venet, con la nasciüda (o "gnüda" – desche al scrí) alalt tla munt dles "stöes panoramiches" y la poscibilité – garantida da na müdaziun ala lege regionala atuala – da realisé stales, üces de munt y bivacs alpins ince sorale limo dai 1600 metri motü dala normativa urbanistica.
I tignun bot ensciö tal mené do l’inovaziun dla oferta turistica tla forma ecosostenibla y te vigne maniera de empat bas, a na moda da pormëter da encontenté la domanda entres plü prejënta de turism emozional t’en raport plü genuin con la natöra.
Les "stöes panoramiches" é frabicac de vider y lën o de ater material de empat bas, caraterisades da en raport avisa danter falzada finestrada y na soleta, con atenziun particolara al ambiont y ala contrada.>

I gnarun bën lassora plü ennant, ci che la descriziun tecnica ó dí avisa tla pratica: tan granes y forestes che cöstes costruziuns sará, y tan che ares pesará efetivamonter sön la munt, la contrada y le viavai lussurius tla munt.  (Iaco Rigo)