Vangele dla domënia

Data

06 de november 2022

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
32. Domënia ia por l’ann C, ai 6 de novëmber 2022 
Dal Vagnele do San Lüca, 20, 27 – 38 

Te chël tëmp él gnü da Gejú valgügn Saduzés, che loghenëia la ressoreziun, y ai l’á damané: »Maester, Mosé nes á scrit dant: sc’al mör n ël che á n fre y lascia indô na ëra, zënza avëi mituns, dess so fre maridé la ëra y ti fá avëi descendënc a so fre. Al viô n iade set fredesc. Le pröm â tut na ëra por fomena, mo ê mort zënza mituns. Spo l’â tuta le secundo, dedô le terzo y insciö ince i atri cina al setimo; degun n’â lascé indô mituns, canch’ai ê morc. Inultima él ince mort la ëra. De che sarára pa fomena dala ressoreziun? Düc set l’á pö albüda por fomena.« Dailó ti á Gejú dit: »Ma te chësc monn él ëi y ëres che se marida. Chi che Idî indere arata dëgns de tó pert al ater monn y ala ressoreziun di morc, ne se maridará spo nia plü. Ai ne sciafia gnanca plü da morí, deache ai é sciöche agnui y tres la ressoreziun ési deventá fis de Dî. Mo che i morc ressorësc, á bele Mosé indiché tla cuntia dla trognora, canch’al nominëia le Signur Dî de Abraham, Dî de Isach y Dî de Iacob. Al n’é pö nia n Dî di morc, mo di vis; deache por ël ési düc vis.« 

Parora dl Signur. – Lalt a te, Gejú Crist!