La Usc di Ladins

Na cordanza per l socors sa mont, n pat de colaborazion anter doi enc con valores en comun, percheche la machina di socorsc sie amò più efizienta. L é la bela neva ruèda adalèrch enstadì per chel che vèrda i socorsc sa mont. 

Chesta cordanza é stata sotescrita en lunesc ai 14 de november da la presidenta de la Sociazion gestores di refuges del Trentin Roberta Silva da Sèn Jan, gestora del Refuge Roda de Vael, e dal president del Socors da mont e speleologich del Trentin Walter Cainelli, per renovèr l empegn a colaborèr tel enteres de chi che va sa mont che, te situazions de dificoltà o pericol, podessa aer besegn de aiut.

Da na man i refuges, presidies de gran emportanza che dèsc acolienza e protezion e da l’autra l Socors da mont e speleologich che à l’encèria de portèr socors sanitarie en aut o ence sot tera.

De più su La Usc stampèda de vender ai 25 de november.  (mci)