Tratan i dui dis él preodü referac, impulsc y discusciuns a 360
View the embedded image gallery online at:
https://www.lausc.it/atualite/21777-mendranzes-a-minca-ince-i-ladins#sigProId36b633a982
https://www.lausc.it/atualite/21777-mendranzes-a-minca-ince-i-ladins#sigProId36b633a982
Tratan le de él spo preodü referac sön la mendranza todëscia dla Republica Ceca (Martin Dzingel) y la mendranza todëscia tla Cecoslovachia do le 1945 (Irene Novák). Peter Bresan baiará di Sorbs tla Lusazia y Christian Bogusz jará ite sön le Museum di Sorbs sciöche punt anter inier y incö. Le domisdé vá a piz cun vijites menades tres le Museum di Sudec Todësc, tignides por ladin y por todësch.
N de dediché ai media de mendranza
Le secundo de dl convëgn se conzen trëia sön i media de mendranza. Le danmisdé vëgn daurí da Torsten Fricke, che jará ite plü avisa tl laur dla »Sudetendeutsche Zeitung«. Dedô ciafa lerch i media ladins: impröma cun Pablo Palfrader, che tignará n referat d’impuls sön »La Usc di Ladins danter storia, presënt y desfides dl dagní«, y spo cun Mateo Taibon che baiará dles trasmisciuns ladines tla Rai, sot al tema »La gran chance dla visibilité«. I atri referac é de Cordula Ratajczak che baia dla contrada di media sorbs y Steffen Neumann che baiará dla stampa todëscia tla Republica Ceca. Le convëgn vá a piz cun na mësa torona dal titul »Mendranzes y grups etnics dl’Europa tl dialogh sön le laur dla stampa«. Le moderadú Fabian Riemen nen baiará cun Torsten Fricke, Mateo Taibon, Steffen Neumann y Cordula Ratajczak. L’entrada al convëgn é debann.