La Usc di Ladins

Danter i tröc calëndri che vëgn publicá da uniuns, assoziaziuns y d’atri, él da zacotan d’agn incá ince le calënder di socoridus dl elisocurs. Da püch él gnü fora la ediziun nöia, le calënder "Flugretter helfen 2023", che á dagnora ince n fin de bëgn. An pó le ciafé por na spënora de 15,00€ y ci che vëgn ite i vá al "Bäuerlicher Notstandsfond - Menschen helfen". Al vëgn insciö daidé porsones o families che é por na rajun o por l’atra rovades en dificolté.
Le calënder 2023 é gnü abelí da retrac spetacolars, che é gnüs metüs a desposiziun dai fotografs Matthias Böhl, Richard Kröss, Alberto Betto, Denis Costa, Philipp Franceschini, Erich Näckler y Adam Holzknecht. Tla Val Badia ciafon le calënder pro Denis Costa a San Linert, al nr. 345 4692095, tl Salon André a La Ila al 333 2525740 y tles sëntes dla Crusc Blancia. Te Gherdëna le ciafon pro la staziun dl Aiüt Alpin a Pontives.  (pablo)