La Usc di Ladins

Dal vangele do San Jan 1,29–34
Te chël tëmp á Jan Batista odü le Signur che ti gnô pormez y al á dit: Ciarede, l’Agnel de Dî, che tol demez le picé dl monn. Ël é chël, de chël ch’i á dit: Do da me vëgnel n ël che m’é danfora, deach’al ê dan da me. Ince iö ne le conesciô nia; mo i sun gnü y i batiëii cun ega, por ti al fá conësce a Ìsrael. Y Jan á testemonié: I á odü le Spirit gnon jö dal cil sciöche na colomba y ston sön ël. Ince iö ne le conesciô nia; mo ël, che m’á mené a batié cun ega, m’á dit: Sön chël che t’odaras gnon jö le Spirit y sön chël ch’al stá, chël él che batiëia cun Spirit Sant. Chësc ái odü, y i testemoniëii: Ël é le Fi de Dî. 
Parora dl Signur. – Lalt a te, Gejú Crist!